2019年1月13日
成日話音樂無界限🤗
除左性別🚹🚺年齡👶🏻🧒🏻🧑🏻👴🏻界別👳‍♂👲🏻👨🏻‍🎨👨🏻‍⚕👨🏻‍🚒👨🏻‍✈🧛‍♂
其實就算身體有不同, 都唔會阻礙到音樂嘅傳播😌
呢日柏茵音樂義工隊出席由搭上搭義工團主辦嘅「萬人手語傷健傳愛大行動」😍😍
喺各區舉行活動, 宣揚「傷健共融樂社區」嘅概念🤗
今次我哋有幸受邀實在感到榮幸
當日我哋同搭上搭手語義工朋友同台演出😃
我哋一邊唱歌🎤佢哋一邊將歌詞用手語打出🙌🏻
台下觀眾都相當投入, 實在有一種傷健共融嘅氣氛🤗

(繼續閱讀…)

2018年12月15日
喺風和日麗嘅下午
柏茵音樂義工隊今次出隊去到瑪麗醫院
參與由香港肝壽基金主辦嘅「樂也融融」聖誕聯歡會
同一班肝臟病患嘅小朋友一齊慶祝聖誕
當日小朋友嘅家長都黎到大家當中
一齊唱唱抖音歌, 又欣賞下8歲嘅小義工表演長笛
今次我哋更加讓小朋友體驗下打木箱鼓嘅樂趣
只需5分鐘, 小朋友已經可以同其他樂器一齊合奏到”Happy Birthday Jesus”啦

(繼續閱讀…)

2018年6月16日
呢日柏茵音樂義工隊繼續出隊喔?今次去到港島區做社區中心探訪, 受訪機構香港勵志會陳融晚晴中心, 上次曾經參與佢哋嘅生日會暨春茗活動, 今次可以有機會直接探訪中心我哋相當興奮??
今次有機會讓一班老友記體驗下木箱鼓嘅樂趣, 而當中嘅7歲半小義工仲為老友記以長笛吹奏經典嘅<<千與千尋>>及<<海頓小夜曲>>?一班老友記都相當欣賞呢位小義工年紀小小已經咁有才華????
其實講才華又點及得上呢班老友記?佢哋個個都好好奇木箱鼓呢樣樂器?有D老友記更加將課堂學習用手機拍低, 話驚唔記得?嗰種積極其實D年青人都未必有, 而且仲好快就學得識, 呢D先叫真。才華?

(繼續閱讀…)

2018年6月9日
今次柏茵音樂義工隊聯合鄰舍輔導會?一齊進行一次探訪活動
傳承愛「深」-關懷探訪計劃2018為深水埗區嘅獨居長者、兩老及全長者家庭提供服務, 適逢端午節??‍♂??‍♀中心為一班老友記準備左端午糉及禮物, 而我哋有機會參與其中實在好得無比?
受訪嘅長者一開門見到我哋D結他都好好奇?佢哋笑容滿面?閒話家常間聽到佢哋後生時點樣打拼, 真係相當欣賞!!????
我哋今次其中一首金曲揀左<<獅子山下>>, 我哋喺其中一位老師記嘅屋企彈呢首歌時, 老友記相當驚訝??原來呢位老友記嘅屋企可以非常清楚地見到獅子山, 當唱嘅時候真係相當有意思!!??
其實短短嘅時間, 未必可以為老友記送上D咩, 但係呢D時間都相當寶貴, 而且真誠!!?

(繼續閱讀…)

2018年5月26日
夏日炎炎?緊係最好喺屋企食住雪糕?嘆住冷氣?過一個休閒嘅週末啦?但係一班內心充滿火辣辣愛心嘅柏茵音樂義工隊就選擇出隊, 實行以熱攻熱, 用音樂送祝福?今次我哋出隊到觀塘嘅翠屏邨進行社區探訪, 今次探訪嘅老友記個個都笑容滿面有D仲好早就喺度等候, 證明佢哋真係好期待今次嘅探訪?
今次有份出隊嘅義工朋友中, 年紀最細只係7歲??佢學左長笛2年, 見佢學有所成, 所以小朋友嘅媽媽決定為小朋友報名參加音樂義工隊, 今次佢仲為一班老友記吹奏一曲, 聽得老友記們如痴如醉?

(繼續閱讀…)

2018年5月5日
今次柏茵音樂義工隊再次去到港島區出隊探訪, 我哋幾位義工都好開心可以黎到呢個老人院探訪?每次探訪都感覺到一班老友記真係個個都係寶????有D仲好精靈?玩遊戲? 無難度!?唱金曲? 無難度!?
適逢母親節將近, 中心非常有愛心地預備左好靚嘅康乃馨?送比一班院友及中心姑娘, 佢哋收到嘅時候都甜絲絲義工朋友都覺得呢次出隊有著特別嘅意義!?
花雖美, 亦有凋謝嘅一天, 人亦如此! 所以更加要把握生命, 喺有限嘅人生中為別人留下更多祝福, 做更多有意義嘅事!????

(繼續閱讀…)

2018年4月14日
柏茵音樂義工隊今次嚟到港島區嘅太古,探訪一班區內精靈又活潑嘅老友記!今次嘅探訪再一次印證音樂係無分國界年齡?就算已經到銀髮年紀,佢哋一樣對音樂充滿好奇!?
我哋除左同老友記玩一D破冰遊戲同大家熱熱身之外,仲帶左時下年青人好興玩嘅木箱鼓去中心,用行動證明,做到老學到老嘅真諦!?
今次木箱鼓體驗嘅選曲,揀左香港人都好有共鳴嘅<<獅子山下>>?短短20幾分鐘,有份體驗嘅老友記同小朋友好快已經掌握都竅門,成功打出<<獅子山下>>嘅正歌????探訪結束後仲有D老友記想留低玩多陣添,佢哋真係好有活力丫!超欣賞!????

(繼續閱讀…)

2018年3月3日

我哋柏茵音樂義工隊又繼續用音樂送祝福啦!!??之前曾經探訪過新生精神康復會裡面嘅住院老友記, 今次我哋有幸可以參與佢哋嘅新年春茗活動當日有200多位老友記出席, 雖然佢哋都已經踏入銀髮????同我哋幾位義工嘅年紀都有頗大嘅距離, 但係音樂嘅力量, 可以打破任何隔膜??活動前一天正值元宵佳節, 我哋以歌會友, 其中我哋送上左<<甜蜜蜜>>同埋<<但願人長久>>, 剛好回應到中心春茗主題「共建同行,長長久久」, 祝福一班老友記天天都喜樂!? 健康活潑!?

(繼續閱讀…)

2018年1月27日

今日真係凍左好多丫但係我哋音樂義工隊就係要喺咁凍嘅天氣下都要送暖送祝福!!??上星期六我哋出隊到耆康會荃灣長者地區中心, 為區內嘅老友記帶黎一個相當愉快嘅下午!!??佢哋個個都好活潑, 而且好精靈??我哋大唱金曲?老友記都好投入咁聽, 有D仲會跟住一齊唱, 氣氛好融合!!??
雖然老友記已經到左銀髮年紀????但係音樂嘅野係冇分年齡界限架??‍♀我哋今次專誠帶左幾個木箱鼓到中心, 同老友記齊齊學打木箱鼓??萬萬估唔到!!??短短十幾分鐘, 老友記已經能成功打到, 仲同我哋一齊夾番首<<甜蜜蜜>>添??????認真嘅!! 佢哋係從來都冇打過木箱鼓架!! 我的天吶!!!!!???

(繼續閱讀…)