來自陳校長免費補習天地嘅音樂義教合唱團班 今次有機會參與名為新春同"樂"嘅Student Show 佢哋呢日個個都身著白色上衣 就好似小天使咁唱出兩首兒童繪本主題曲 先為大家送上<<積木城市>>
28 一月, 2019
2018年10月13日 Parkland Student Show 2018又黎啦😍 呢次陳校長免費補習天地嘅義教班小朋友都有黎喔😝 仲為我哋做壓軸表演🥁 用佢哋單純而可愛嘅聲音唱出<<分享愛>>🤗 雖然有D小朋友因為太細未完全可以唱到晒所有歌詞😝 但係都見到佢哋個個都比心機去嘗試☺ 導師都相當欣賞同為佢哋感到驕傲😍
13 十月, 2018
2018年6月16日 呢一日柏茵音樂義工隊馬不停蹄??上午去完太古做音樂義工探訪, 下午就馬上趕去屯門出席由柏茵音樂基金會主辦嘅Parkland Summer Student Show 2018!??????? 明明睇天氣預報話會有雨?但係相當感恩, 活動當日太陽相當猛烈☀☀☀大家都曬到變左黑人??‍♀??‍♂現場嘅音樂氣氛相當濃厚, 我哋呢班音樂義工更出力獻唱幾首充滿積極正面訊息嘅歌??為左表達人生其實可以好美好, 每個學音樂嘅人都可以將你所學到嘅變成祝福!??
24 六月, 2018
13 Aug 2017 穌Quali 2017終於完滿完成啦! 決賽當日一班成功晉級決賽嘅參賽者，懷住緊張又帶點輕鬆的心情應戰！為什麼會如此矛盾？因為他們都不視今次是一個比賽，而是一個可以讓大家互相欣賞音樂，互相支持打氣的平台，在主內，大家都未分彼此輸贏。 當日除了一班參賽者精彩演出外，亦有決賽評審之一的高國雄牧師為大家有勸勉，還有西伯前輩的珍情分享，雖然比賽是基督教的音樂比賽，但當中的信訊及內容，信與不信者都獲益良多！ 當中有特別嘉賓MIC好耶音樂，他們與參賽者同屬同路人，為著福音好訊息默默付出，創作動人心弦的詩歌，成為眾人的祝福！
13 八月, 2017
2017年1月14及15日 Park 愉景新城音樂表演 喺2016-2017年度, 我哋開展左一個音樂義教班課程計劃, 為一班有需要嘅小朋友, 提供一個免費學習音樂嘅機會!?其中一個合作伙伴就係陳校長免費補習天地, 呢班小朋友有機會喺荃灣D. Park商場進行一次公開演出! 演出當日小朋友只上左6堂課堂炸, 當中最小嘅小朋友只得3歲!!?但係已經有非常好嘅表現, 而且佢哋個個都好可愛? 不如大家一齊欣賞下佢哋用心嘅演出丫
15 一月, 2017
28 Aug 2016 首屆全港基督徒音樂大賽 - 穌Quali 2016已經喺8月28日, 於觀塘嘅基督教家庭服務中心禮堂中順利舉行! 決賽下午, 場內有接近300名觀眾入場, 當中有不少係參賽者嘅家人同朋友, 場面相當熱鬧興奮, 大家都相當期待當日所有嘅演出! 大會之所以舉辦穌Quali, 除左希望可以為一班默默為神奉上音樂恩賜嘅本地基督徒音樂人提供發佈作品平台之外, 更加希望可以借助音樂比賽所帶嚟嘅迴響, 引起一班未信者嘅關注, 先用事實證明就算係基督教詩歌, 都可以別具風格, 一樣都可以與流行曲睇齊, 打破舊有嘅傳統詩歌形象; 同時, 亦希望可以吸引更多不同嘅人留意本地創作詩歌, 願神可以使用詩歌, 成為未信者生命中嘅大大祝福! 首屆穌Quali所有參賽作品接近80首, 當中大約60%嘅作品都係本地原創歌曲, 呢個數字令我哋相當鼓舞, 更加令人興奮嘅係, 呢D作品水準都相當高, 證明本地基督徒嘅音樂恩賜一D都不比外國嘅差! 大會相當榮幸, 能邀請到(排名不分先後)業內著名音樂監製Johnny Yim、資深基督徒音樂代理人Kelvin Chan等等成為決賽評審。同場亦邀請到資深音樂佈道人高國雄牧師為活動分享訊息, 喺音樂創作嘅自由裡面不減真理嘅重要! 另外, 大會同樣相當榮幸可以邀請到著名唱作組合鍾氏兄長及香港唱作歌手徐偉賢先生為一班參賽者打打氣, 更即席為在場觀眾獻唱, 實在好感恩!!
29 八月, 2016