2018年1月13日 今次我哋柏茵音樂義工隊出訪到新生精神康復會探訪一班長期住院嘅老友記☺當日陽光普照?一班大小義工都抱住輕鬆嘅心情出發!!?‍♀?‍♂心裡想到一班老友記因為身體需要而長期住院, 亦唔能夠經常外出, 我哋更期待可以用音樂, 為佢哋帶嚟一個愉快嘅早上? 想唔到!!?佢哋都幾活潑, 當音樂奏起時, 佢哋都忍唔住會一齊拍手打拍子??唱到一啲經典金曲更會開口一齊唱?氣氛相當融洽!! 之後我哋仲隔代交流?特別邀請其中兩位只得11同12歲嘅小義工???? 同老友記玩估歌仔, 大唱經典粵曲, 小義工都玩得相當投入, 場面搞笑!!?似乎一班老友記內心都隱藏住一份熱愛音樂嘅心!!?
01 二月, 2018
2017年12月12日 今次我哋柏茵音樂義工隊好特別喔!!?我哋今次出訪嘅機構叫做香港勵志會陳融晚晴中心!?中心裡面有一班生日嘅老友記, 而且剛好臨近聖誕, 所以中心社工好悉心咁安排左一個生日暨聖誕晚會比一班老友記盡請歡樂!? 我哋好榮幸可以參與其中, 為一班老友記大唱金曲!????雖然時間不多, 但係從台下嘅老友記嘅面上都見到佢哋都相當愉快同享受☺有時仲會一齊跟住歌詞唱歌, 所以話音樂幾時都係共同語言, 就算生於不同年代, 都可以喺音樂上搵到共鳴!? 今次參與晚會嘅老友記有超過200人, 我哋有機會能夠為老友記逐一送上禮物, 以表達小小嘅心意同祝福?? 如果你都好想用行動化為祝福, 心動不如行動?快D報名成為我們義工嘅一份子?歡迎你PM我哋?期待下次能夠見到你喔 ?
01 二月, 2018
2017年7月29日 今次我哋出隊去到深水埗石硤尾邨 探訪一班超活潑嘅老友記 雖然佢哋大部份都已經到左銀髮嘅年紀?但係身經百戰嘅佢哋仍然活力充沛 個個都好精靈! 今次被探訪嘅老友記人數接近100人 氣氛相當熱鬧 我哋大唱經典金曲  引起唔少老友記嘅共鳴同回憶! 果然金曲嘅力量無可忽視! 就連年輕一輩嘅義工朋友都覺得愈唱愈有味道! 如果喜歡音樂嘅你都好想好似我哋咁樣可以用音樂為小社區送上點點祝福 期待你成為我們義工嘅一份子 歡迎你PM我哋 期待下次能夠見到你喔
29 七月, 2017
2017年6月24日 今次我哋出隊去到元朗區嘅社區中心, 探訪一班小朋友, 佢哋全部都係嚟自區內嘅家庭, 全部都好活潑對音樂好感興趣! 就算係第一次聽嘅歌, 只要聽左一次, 好快就能夠學識, 義工姐姐哥哥們都真心覺得驚訝! 呢日下午我哋除左唱好多時下年青人鐘意聽嘅歌外, 仲同小朋友玩互相認識遊戲又發揮創意, 用手指創作手指畫?其中一位小朋友嘅作品真係拍得住義工姐姐架跟住仲有集體遊戲, 係團隊精神嘅考驗 小朋友嘅世界既純潔又充滿童真, 呢份快樂都感染埋義工朋友同社工們, 實在好得無比! 如果你都希望成為我們義工的一份子歡迎你PM我們期待下次能見到你喔
24 六月, 2017
2017年2月18日 我們柏茵音樂義工又出動啦！今次我們一班義工隊朋友出隊到美田綜合復康服務中心，探訪一班復康人士，活動當日適逢臨近新年，義工朋友特別準備了相當應節的新年揮春，跟大家題題筆，學習如何書寫毛筆，體驗一下中國傳統文化，又用揮春玩創意遊戲，考考大家的默契及表達能力，共渡了一個相當愉快的下午。今次出隊機構位置不顯眼，位於美田邨，但音樂不分國界和地域，只要需要音樂和愛的地方，我們都願意進到他們裡面，傳遞愛！期待下次出隊會有你的參與在當中！
18 二月, 2017
2017年1月21日 今次我們柏茵音樂義工隊出隊到何文田區, 這個小區民生簡樸, 五臟俱全, 當中更居住了一班相當可愛的老友記, 他們都是區內的寶亦是我們今次探訪的對象。這個下午我們為他們安排了不同的遊戲, 對於身懷絕技的他們絕對無難度, 玩接茶包遊戲輕鬆過關, 不論老友記或義工朋友都相當愉快！ 適逢情人佳節, 我們為老友記們送上一首又一首的經典情歌金曲, 大家都聽得如癡如醉, 彷彿回到他們年輕的時候, 還有同隊的主持亦用他奇有的幽默感為現場帶來不少「笑料」, 大家都渡過了一個充滿歡笑的下午！
21 一月, 2017
2016年12月17日 聖誕Party-聖誕「義」繽紛 今日早上我們出隊到晉晴支援服務中心，參加人數多達90人左右，場面非常熱鬧。每一位義工都好想將音樂同歡樂帶比每一位。我們除了用音樂，我們還用手品合用製作一棵聖誕榭，非常非常靚！今次都好開心，可以一齊玩遊戲一齊唱歌，期望有更多義工一齊參與，將快樂同祝福帶給不同的人。
17 十二月, 2016
2016年11月26日 當日各位義工帶着祝福的心情到養真苑分享音樂，而且活動過程非常開心，每位老友記都滿面歡樂的笑容，好享受每一個環節。
26 十一月, 2016
2016年11月5日 好感恩，有唔同年齡層一齊參加今次活動。 有年輕人、小朋友、大朋友嘅表演，而且又一齊玩遊戲，非常開心呀！ 今次活動各位義工好好，除了大家有預備之餘，活動期間仲非常投入。 表演中最突出嘅當然係小朋友啦，參加者都好開心，將活動氣氛推到最高。 好期望下一次義工隊活動~ 你哋都立即報名參加啦！
05 十一月, 2016
2016年8月13日 今次好開心可以有咁多位義工一齊探訪一班殘障人士，當日氣氛好好。大家都好投入又好主動，活動當中有唱歌仔，又有估歌仔，又有得學Cajon，而且又非常順利。小編見到D 相都好想去，玩得咁開心，又可以做義工，真係有意義。你仲未係我哋義工，就快D嚟報名啦~
13 八月, 2016